Պեսկովը՝ Պուտինի և Թրամփի հնարավոր շփումների մասին
Ռուսաստանը ԱՄՆ-ից դեռ ազդանշաններ չի ստացել նախագահներ Վլադիմիր Պուտինի և Դոնալդ Թրամփի շփումների վերաբերյալ, սակայն պատրաստակամությունը պահպանվում է։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Պատասխանելով հարցին, թե պատրա՞ստ է արդյոք Մոսկվան կազմակերպել Թրամփի և Պուտինի հանդիպումն իր մոտ, և արդյոք ՌԴ նախագահը պատրա՞ստ է մեկնել ԱՄՆ նման հանդիպման համար, Պեսկովը պատասխանել է․
«Հետևաբար մենք աշխատում ենք, ինչպես ասում են, մեր ժամանակացույցով։ Պատրաստակամությունը պահպանվում է։ Նույն պատրաստակամությունը, որքանով տեղյակ ենք, պահպանվում է նաև ամերիկյան կողմից։ Ըստ երևույթին, որոշակի ժամանակ է պետք»։
Նա նշել է, որ ամեն ինչ կախված է նրանից, թե երբ երկու երկրների ղեկավարները նպատակահարմար կգտնեն նման զրույց ունենալ։
