Հրապարակվել են Բելառուսի նախագահի ընտրության նախնական արդյունքները

Բելառուսի նախագահի ընտրության նախնական արդյունքի համաձայն՝ գործող նախագահ Ալեքսանդր Լուկաշենկոն հաղթում է ստանալով ձայների 86,82 տոկոսով։ Այս մասին հայտնում է Բելառուսի ԿԸՀ-ն։

2025 թվականին երկրում ընտրական ցուցակներում ներառված է ավելի քան 6,9 մլն մարդ: Հանրապետության նախագահի պաշտոնին հավակնում էր ԿԸՀ գրանցած հինգ թեկնածու:

Կոմկուսի թեկնածու Սերգեյ Սիրանկովին կողմ է քվեարկել ընտրողների 3,21 տոկոսը, Օլեգ Գայդուկևիչին (Լիբերալ-դեմոկրատական կուսակցություն)՝ 2,02 տոկոսը, ինքնառաջադրված Աննա Կանոպացկայային՝ 1,86 տոկոսը, Ալեքսանդր Խիժնյակին (Աշխատանքի և արդարության հանրապետական կուսակցություն)՝ 1,74 տոկոսը:

Ալեքսանդր Լուկաշենկոն երկրի նախագահի պաշտոնը զբաղեցնում է 1994 թվականից․ պետական բարձրագույն այս պաշտոնը նա կզբաղեցնի արդեն յոթերորդ անգամ։