Մենք թույլ չենք տա, որ նման բան տեղի ունենա. Թրամփ
ԱՄՆ նախագահ Դոնալդ Թրամփը համոզված է, որ Կանադան լիովին կախված է Միացյալ Նահանգներից և, հետևաբար, չի կարող ինքնիշխան պետություն լինել:
«Կանադան լիովին կախված է մեզանից, և, հետեւաբար, այն չի կարող առանձին պետություն լինել: Մենք տարեկան 250 մլրդ դոլար ենք կորցնում Կանադայում։ Ես կարող էի դա դադարեցնել մեկ օրվա ընթացքում, և Կանադան գոյություն չէր ունենա որպես անկախ երկիր», - ասել է Թրամփը:
ԱՄՆ առաջնորդը պնդում է, որ Կանադան «տարիներ շարունակ օգտագործել է ԱՄՆ-ին իր շահի համար»։
«Մենք թույլ չենք տա, որ նման բան տեղի ունենա։ Առանց մեր սուբսիդիաների Կանադան իրականում գոյություն չունի», - կարծում է Միացյալ Նահանգների նախագահը։
Թրամփը նախկինում բազմիցս արտահայտվել է Կանադայի՝ ԱՄՆ-ի կազմի մեջ որպես 51-րդ նահանգ մտնելու օգտին՝ այդ դեպքում նրան խոստանալով ռազմական և այլ առավելություններ: Կանադայի իշխանությունները, այդ թվում վարչապետ Ջասթին Թրյուդոն, հավաստիացրել են, որ դա երբեք տեղի չի ունենա:
