Թրամփը՝ ԱՄՆ–Չինաստան հարաբերությունների մասին

Միացյալ Նահանգները պարզապես ցանկանում է արդար տնտեսական հարաբերություններ ունենալ Չինաստանի հետ, պարտադիր չէ, որ դրանք «ֆենոմենալ» լինեն, հինգշաբթի ասել է ԱՄՆ նախագահ Դոնալդ Թրամփը, գրում է РИА Новости–ն:

«Մեր ուզածը միայն արդարություն է: Մենք պարզապես ցանկանում ենք հավասար պայմաններ ունենալ: Մենք չենք ուզում չարաշահել: Մենք հսկայական դեֆիցիտ ունենք Չինաստանի հետ: Բայդենը թույլ է տվել, որ այն դուրս գա վերահսկողությունից: Նա ունի 1,1 տրիլիոն դոլարի դեֆիցիտ, ծիծաղելի է, ուղղակի անարդար հարաբերություններ են: Մենք պետք է դրանք վերածենք արդար հարաբերությունների, պետք չէ դրանք ֆենոմենալ դարձնել», - ասել է Թրամփը՝ ելույթ ունենալով Շվեյցարիայի Դավոսում կայացած տնտեսական ֆորումում: