Իսրայելը չի հանդուրժի որևէ պրովոկացիա. ՑԱԽԱԼ
Իսրայելը հավատարիմ է Գազայի հատվածում հրադադարի մասին համաձայնագրին և չի հանդուրժի պաղեստինյան արմատական ՀԱՄԱՍ շարժման հնարավոր սադրանքները։ Այս մասին ճեպազրույցում հայտարարել է Իսրայելի բանակի պաշտոնական ներկայացուցիչ Դանիել Հագարին, ով ընդգծել է, որ զինվորականները պատրաստ են ցանկացած պահի վերսկսել ռազմական գործողությունները անկլավում, գրում է ТАСС–ը:
Նա հիշեցրել է, որ ՀԱՄԱՍ-ի ներկայացուցիչները հրադադարի համաձայնագրի առաջին օրը ժամանակին չեն կարողացել հանձնել ազատ արձակված պատանդների առաջին խմբի ցուցակը։
«Այսօր առավոտյան ՀԱՄԱՍ-ը չկատարեց իր պարտավորությունները և չհանձնեց վերադարձող պատանդների ցուցակը, ինչպես պայմանավորվել էինք: Միևնույն ժամանակ, մենք գրոհեցինք Գազայի հատվածում գտնվող շենքերը և ահաբեկիչներին, և հրադադարը եկավ ավելի ուշ: Մենք չենք ընդունի համաձայնագրից որևէ խախտում, ինչպես ցույց տվեցինք այսօր առավոտյան»,- ասել է Հագարին։
