Միգրանտների համար ԱՄՆ հարավային սահմանը կփակվի
ԱՄՆ նախագահ Դոնալդ Թրամփը հունվարի 22-ին հրամանագիր է ստորագրել անօրինական միգրանտների համար ԱՄՆ հարավային սահմանը փակելու մասին: Այս մասին տեղեկացնում է «Սպիտակ տան» կայքը:
«Նախագահը լիազորություն ունի ներգաղթի և քաղաքացիության մասին օրենքի համաձայն կանխել անօրինական օտարերկրացիների ֆիզիկական մուտքը Միացյալ Նահանգներ հարավային սահմանով»,- աված է հաղորդագրության մեջ:
Ինչպես ասվում է հաղորդագրության մեջ, որոշ նահանգներ, մասնավորապես Տեխասը, Բայդենի օրոք դաշնային կառավարությունից պաշտպանություն են խնդրել միգրանտների ներխուժումից, սակայն «նա չի կարողացել նրանց պաշտպանել ԱՄՆ մուտք գործող միլիոնավոր անօրինական օտարերկրացիներից»:
Նոր հրամանագրի համաձայն՝ ներքին անվտանգության նախարարությանը, արդարադատության նախարարությանը և Պետդեպարտամենտին հանձնարարված է ձեռնարկել բոլոր անհրաժեշտ միջոցները հարավային սահմանը հատած անօրինական միգրանտներին անհապաղ վտարելու համար:
