Իսրայելը չի դադարեցնի կրակը Գազայում․ Նեթանյահու

Իսրայելի վարչապետ Բենիամին Նեթանյահուն հայտարարել է, որ Գազայում հրադադար չի սկսվի այնքան ժամանակ, քանի դեռ պաղեստինյան ՀԱՄԱՍ շարժումը չի փոխանցել ազատ արձակվող պատանդների ցուցակը: Այս մասին հայտել են տեղի ԶԼՄ-ները։

Իսրայելի կառավարության մամուլի ծառայությունից հայտնել են, որ գիշերը Նեթանյահուն անվտանգության հետ կապված իրավիճակի գնահատում է անցկացրել՝ կապված առևանգվածների ցուցակի ստացման ուշացման հետ, որոնք, ինչպես սպասվում է, ազատ կարձակվեն: Վարչապետը բանակին հրահանգել է, որ հրադադարը, որը պետք է ուժի մեջ մտնի ժամը 8.30-ին (Երևանի ժամանակով՝ 10.30), չի սկսվի այնքան ժամանակ, քանի դեռ Իսրայելը չի ստացել ազատ արձակվող պատանդների ցուցակը, որը ՀԱՄԱՍ-ը պարտավորվել է տրամադրել:

Պաղեստինյան Գազայի հատվածում հակամարտության կողմերը՝ Իսրայելը և ՀԱՄԱՍ շարժումը, Կատարի, Եգիպտոսի և ԱՄՆ-ի միջնորդությամբ պայմանավորվել են հունվարի 19-ից 42 օրով հրադադարի մասին և հայտարարել ռազմական գործողությունների վերջնական ավարտի ձգտման մասին: Առաջին փուլում ՀԱՄԱՍ-ը ազատ կարձակի 33 պատանդների՝ Իսրայելի կողմից ավելի քան 1890 բանտարկյալների ազատ արձակելու դիմաց: