Ես շատ գոհ եմ, որ այս աշխատանքն ավարտվել է. Պուտին
Ռուսաստանի և Իրանի միջև այսօր ստորագրվելիք Համապարփակ ռազմավարական գործընկերության համաձայնագիրը խթան կհանդիսանա բոլոր ոլորտներում համագործակցության համար։ Այդ մասին հայտարարել է ՌԴ նախագահ Վլադիմիր Պուտինը Իրանի նախագահ Մասուդ Փեզեշքիանի հետ հանդիպման ժամանակ։
«Ձեր այսօրվա այցը առանձնահատուկ նշանակություն ունի, քանի որ մենք ոչ միայն հնարավորություն կունենանք քննարկելու և կքննարկենք մեր համագործակցության բոլոր ոլորտները, այլ նաև կստորագրենք Ռուսաստանի և Իրանի միջև համապարփակ ռազմավարական գործընկերության մասին մեծ հիմնարար համաձայնագիր»,- ասել է ՌԴ ղեկավարը։
Նա հիշեցրել է, որ Մոսկվան և Թեհրանը երկար ժամանակ աշխատել են փաստաթղթի վրա։
«Ես շատ գոհ եմ, որ այս աշխատանքն ավարտվել է, սա կարևոր է, քանի որ այն մեզ հնարավորություն կտա լրացուցիչ խթան հաղորդել մեր համագործակցության գրեթե բոլոր ոլորտներին»:
