Բայդենը նշել է, թե ինչ մտավախություն ունի Պուտինը

Ռուսաստանի նախագահ Վլադիմիր Պուտինը մտավախություն ունի, որ ամերիկացիները նոր միջուկային զենք կփոխանցեն Ուկրաինային և կհարձակվեն Ռուսաստանի վրա։ Այս մասին MSNBC-ին տված հարցազրույցում ասել է ԱՄՆ նախագահ Ջո Բայդենը՝ հիշատակելով ՌԴ ղեկավարի հետ զրույցը։

«Եվրոպայում մարտավարական միջուկային զենքը վախեցրել է բոլորին, նույնիսկ ռուսներին, նույնիսկ ռուսներին», - ասել է նա:

Բայդենի խոսքով՝ «Պուտինը վախենում էր Ուկրաինային միջուկային զենքի փոխանցումից, քանի որ այդ դեպքում հրթիռները վաղը կթռչեին Մոսկվայի վրա»:

«Մեր զրույցներից մեկում Պուտինն ինձ ասաց, որ ուզում է համոզվել, որ Ուկրաինան միջուկային զենք չունենա, Ուկրաինան չդառնա ՆԱՏՕ-ի անդամ, և որ ՆԱՏՕ-ն ավելի չընդլայնվի»,- ասել է Բայդենը, գրել են ԶԼՄ-ները։

Բայդենը «վստահեցրել է նրան, որ դա տեղի չի ունենա, քանի որ Ուկրաինան ՆԱՏՕ-ի մաս չէ, և ինտեգրումը չի կարող տեղի ունենալ առանց հիմնարար համակարգային փոփոխությունների»։