ԱՄՆ նախկին առաջնորդները չեն մասնակցի Թրամփի երդմնակալության ընթրիքին

ԱՄՆ նախկին առաջնորդները՝ 42-րդ նախագահ Բիլ Քլինթոնը, 43 - րդ նախագահ Ջորջ Բուշ կրտսերը և 44-րդ նախագահ Բարաք Օբաման, չեն մասնակցի հունվարի 20 - ին Դոնալդ Թրամփի երդմնակալության ընթրիքին: Այս մասին հայտնում Է NBC հեռուստաընկերությունը՝ հղում անելով իր աղբյուրներին։

Ըստ տեղեկությունների Օբաման և Քլինթոնն արդեն ճաշի հրավեր են ստացել, սակայն չեն պատրաստվում մասնակցել դրան։ Հրավեր է ուղարկվել նաև նախկին առաջին տիկին և նախկին պետքարտուղար Հիլարի Քլինթոնին, սակայն նա նույնպես հրաժարվել է մասնակցել միջոցառմանը: Բուշ կրտսերի ներկայացուցիչները NBC-ին հայտնել են, որ տեղյակ չեն իրենց հրավերը ստանալու մասին:

Լրատվամիջոցը նշում է, որ այնուամենայնիվ, բոլոր երեք նախկին նախագահները ներկա կլինեն Թրամփի երդման արարողությանը, որը տեղի կունենա հաջորդ երկուշաբթի։