Ես դա կանեի ավելի շուտ. Թրամփ
ԱՄՆ նորընտիր նախագահ Դոնալդ Թրամփը հայտնել է, որ հունվարի 20-ին պաշտոնը ստանձնելուց հետո, պատրաստվում է «շատ արագ» հանդիպել ՌԴ նախագահ Վլադիմիր Պուտինի հետ: Նա հանդիպման հստակ ժամանակահատված չի նշել, գրում է Reuters-ը:
«Եվ ես գիտեմ, որ նա էլ է ցանկանում հանդիպել, և ես շատ արագ կհանդիպեմ: Ես դա կանեի ավելի շուտ, բայց… նախ պետք է պաշտոնը ստանձնել», - ասել է ԱՄՆ նորընտիր նախագահը:
Երբ Թրամփին հարցրել են ռուս-ուկրաինական պատերազմն ավարտելու վերաբերյալ իր ռազմավարության մասին, նա ասել է. «Դե, կա միայն մի ռազմավարություն, և պետք է որոշի Պուտինը: Չեմ կարող պատկերացնել, որ նա չափից ավելի ոգևորված է պատերազմի ընթացքով, որովհետև այն իր համար այնքան էլ լավ չի ընթանում»:
