Թրամփի խորհրդականն ասել է, թե երբ կկայանա Պուտինի հետ հեռախոսազրույցը
ԱՄՆ նորընտիր նախագահ Դոնալդ Թրամփի և Ռուսաստանի նախագահ Վլադիմիր Պուտինի հեռախոսազրույցը կարող է տեղի ունենալ «առաջիկա օրերին կամ շաբաթներին», ասել է Թրամփի ազգային անվտանգության հարցերով խորհրդական Մայք Ուոլցը, հայտնել է ՌԻԱ Նովոստին։
«Մենք դեռ չենք որոշել ստույգ ձևաչափը (ապագա հանդիպման-խմբ.), բայց աշխատում ենք այդ ուղղությամբ, ակնկալում եմ, որ գոնե առաջիկա օրերին կամ շաբաթներին զանգը տեղի կունենա, սա կլինի առաջին քայլը, որից հետո մենք կշարժվենք առաջ»,- ասել է Ուոլցը ABC հեռուստաալիքի եթերում։ Նա նաև հավելել է, որ Ուկրաինայի հակամարտության կարգավորման համատեքստում կարևոր խնդիրներից մեկը լինելու է մարտադաշտում իրավիճակի կայունացումը։
Ավելի վաղ Թրամփը հայտարարել էր, որ Ռուսաստանի առաջնորդ Վլադիմիր Պուտինը ցանկություն է հայտնել հանդիպել իր հետ և կողմերը նախապատրաստվում են հանդիպմանը։
