Թրամփը մեղադրանքներ է հնչեցրել Կալիֆոռնիայի հրդեհների վերաբերյալ
ԱՄՆ նորընտիր նախագահ Դոնալդ Թրամփը սոցիալական ցանցում քննադատել է ԱՄՆ գործող նախագահ Ջո Բայդենին՝ Լոս Անջելեսում լայնածավալ հրդեհների ֆոնին նրա անգործության պատճառով:
«Թող սա ծառայի որպես Ջո Բայդենի սխալ կառավարման և ոչ կոմպետենտության խորհրդանիշ», - նշել Է Թրամփը:
Թրամփը նաև քննադատել է Կալիֆորնիայի նահանգապետ Գևին Նյուսոմի գործողությունները։ Երկրի ապագա նախագահի խոսքով ՝ տնտեսական տեսանկյունից Կալիֆոռնիան պատուհասած հրդեհները կարող են ամենավատը դառնալ Ամերիկայի պատմության մեջ:
Նա մեղադրել է Գևին Նյուսոմին և կոչ է արել հրաժարական տալ։
Ավելի վաղ հայտնել ենք, որ ԱՄՆ-ում բռնկված անտառային հրդեհները հարյուրավոր տներ են մոխրացրել Լոս Անջելեսում: Կալիֆոռնիայի հրշեջները չեն կարողանում դիմադրել Լոս Անջելեսում բռնկված հրդեհի դեմ:
Ընդհանուր առմամբ, մոլեգնում է 6 առանձին հրդեհ, որոնց դեմ պայքարում են հազարավոր հրշեջներ: Կրակի տարածմանը նպաստում են ուժեղ քամիները: Տեղական իշխանությունների տեղեկություններով՝ աղետն արդեն 5 մարդու կյանք է խլել, կան տուժածներ։
