Պեսկովը՝ Երևանի և Բաքվի հետ հարաբերությունների մասին

Մոսկվան շահագրգռված է Կովկասում խաղաղությամբ, կայունությամբ և անվտանգությամբ և կշարունակի զարգացնել հարաբերությունները Բաքվի և Երևանի հետ: Այս մասին հայտարարել Է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Ադրբեջանի և Հայաստանի մեղադրանքները միմյանց հասցեին՝ տարածաշրջանում լարվածության սրման վերաբերյալ:

Նա ընդգծել է, որ Հարավային Կովկասը Ռուսաստանի համար հեռու տարածաշրջան չէ։

«Եվ մենք ցանկանում ենք, որ Կովկասում լինի խաղաղություն, կայունություն, կանխատեսելիություն, փոխվստահության մթնոլորտ և անվտանգություն։ Մենք մեր լավ հարաբերություններն ունենք և՛ Ադրբեջանի, և՛ Հայաստանի հետ, և մենք փայփայում ենք այդ հարաբերությունները։ Մտադիր ենք անել այն ամենը, ինչ կախված է մեզանից, որպեսզի հետագայում ևս զարգացնենք այդ հարաբերությունները», - ասել Է Կրեմլի ներկայացուցիչը։

Հարցին, թե արդյոք ՌԴ նախագահ Վլադիմիր Պուտինը վերջին շրջանում շփումներ ունեցել է Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ, Պեսկովը պատասխանել է, որ «այս օրերին շփումներ չեն եղել»: