Ինչ է հայտնի Կալիֆոռնիայի հրդեհների մասին մինչ այս պահը
Կալիֆոռնիայի հրշեջ ծառայության տվյալների համաձայն Լոս Անջելեսում հրդեհների ընդհանուր մակերեսը հասել է գրեթե 11 հազար հեկտարի։
Առանց լույսի են մնում էլեկտրաէներգիայի ավելի քան 175 հազար սպառողներ։
Հրդեհների շրջանում պահպանվում է ցածր խոնավությունը, որն ուղեկցվում է քամու ուժեղ պոռթկումներով: Հաղորդվում է, որ հրդեհների թիվը հասել Է վեցի։ Դրանցից ամենակործանարարը Փալիսադեսի շրջանում բռնկված հրդեհն էր, որն ավերել է մոտ հազար շինություն և զբաղեցնում է ավելի քան 2 հազար հեկտար տարածք։
Տեղական իշխանությունների տեղեկություններով՝ աղետն արդեն 5 մարդու կյանք է խլել, կան տուժածներ։
ԱՄՆ նախագահ Ջո Բայդենը հայտարարել է Կալիֆորնիայում լայնածավալ տարերային աղետի ռեժիմ մտցնելու մասին։
Լոս Անջելեսի տարածքում անտառային հրդեհները 52-57 միլիարդ դոլարի վնաս են պատճառել, հաղորդում է ABC-ն ՝ վկայակոչելով AccuWeather-ի տվյալները:
ԱՄՆ Դաշնային ավիացիոն վարչությունը (FAA) ընդլայնել է հրդեհային գոտիների վրայով թռիչքների արգելքը։ Թռիչքներն արգելվում են մոտ 2,1 հազար մետր բարձրության վրա՝ հրդեհի մարման մեջ ներգրավված ինքնաթիռների անվտանգությունն ապահովելու համար։
Արբանյակային պատկերը ցույց է տալիս, որ անտառային հրդեհը տարածվել է Կալիֆոռնիայի Ալթադեն քաղաքի արևմտյան մասում գտնվող գրեթե բոլոր շենքերի վրա:
