Իսրայելից արձագանքել են ՀԱՄԱՍ-ից հնչող հայտարարություններին
Պաղեստինյան անկլավում արմատականների կողմից պատանդների անունների ցուցակի դիմաց Գազայում մի քանի շաբաթով ռազմական գործողությունները դադարեցնելու մասին հրապարակված տեղեկատվությունը չի համապատասխանում իրականությանը, այն ՀԱՄԱՍ շարժման հոգեբանական պատերազմի մաս է։ Այս մասին հայտարարել են Իսրայելի վարչապետի գրասենյակից։
«Իսրայելը կշարունակի գործել բոլոր պատանդներին տուն վերադարձնելու ուղղությամբ»,- ասված է հայտարարության մեջ։
Հիշեցնենք՝ ավելի վաղ Reuters-ը, հղում անելով ՀԱՄԱՍ-ի ներկայացուցչին, հայտնել էր, որ շարժումը հաստատել է 34 պատանդների անունների ցուցակը, որոնց պատրաստվում են ազատ արձակել Գազայի հատվածի հետ գործարքի շրջանակում:
