Մոլդովան դատի կտա «Գազպրոմին»
Մոլդովայի վարչապետ Դորին Ռեչանը սպառնացել է դիմել դատարան՝ կապված «Գազպրոմի» որոշման հետ՝ «Մոլդովագազից» ունեցած պարտքի պատճառով հունվարի 1-ից հանրապետություն գազի մատակարարումը օրական զրոյական խորանարդ մետրով սահմանափակելու համար: Այս մասին գրում է ТАСС-ը:
«Այսօր «Գազպրոմը» ծանուցեց իր դուստր «Մոլդովագազին», որ հունվարի 1-ից կդադարեցնի բնական գազի մատակարարումը: <…> Կառավարությունը ուշադիր կվերլուծի իրավական տարբերակները, ներառյալ միջազգային արբիտրաժի դիմելը, որպեսզի պաշտպանի մեր ազգային շահերը և փոխհատուցում փնտրել Կրեմլի որոշումների հետ կապված, որոնք տնտեսական կորուստներ կբերեն և կվտանգեն Մոլդովայի քաղաքացիների անվտանգությունը»,- ասվում է վարչապետի ֆեյսբուքյան էջում հրապարակված հայտարարության մեջ
Շաբաթ օրը ավելի վաղ «Գազպրոմը» տեղեկացրել էր «Մոլդովագազ» գազաբաշխիչ ընկերությանը, որ 2025 թվականի հունվարի 1-ից դադարեցնում է մատակարարումները Մոլդովա՝ մոլդովական կողմի կողմից պայմանագրի խախտման և մատակարարումների դիմաց պարտքը մարելուց հրաժարվելու պատճառով։ Նախկինում Մոլդովայի կառավարությունն ընդունել է, որ պարտքի մարման պարտավորությունների չկատարումը կարող է հիմք հանդիսանալ պայմանագրի խզման համար: Կառավարության ներկայացուցիչներն իրենց հերթին մեղադրել են «Գազպրոմին» մատակարարումների ծավալի հարցում ունեցած պարտավորությունները խախտելու մեջ։
