Աշխարհի չեմպիոն Կարլսենին որակազրկել են ջինսե տաբատի համար
Շախմատի աշխարհի 16-րդ չեմպիոն Մագնուս Կարլսենին հեռացրել են Նյու Յորքում ընթացող արագ և կայծակնային շախմատի աշխարհի առաջնությունից, հաղորդում է ՖԻԴԵ-ի կայքը։
9-րդ տուրին նորվեգացի գրոսմայստերը ներկայացել է ջինսե տաբատով, ինչն արգելված է առաջնության կանոններով։ Կազմակերպիչները տուգանել են Կարլսենին 200 դոլարով և պահանջել փոխել հագուստը։ Կարլսենը հրաժարվել է։ Նրան թույլ չեն տվել մասնակցել 9 տուրին։ Կարլսենը ի նշան բողոքի հեռացել է և չի շարունակել մասնակցությունը։
Ռուսաստանցի Յան Նեպոմնյաշչին մարզակոշիկների համար տուգանվել է 200 դոլարով։ Նա փոխել է կոշիկները և շարունակել մասնակցությունը։
