ԱՄՆ-ում կոչ են անում կանխել Թրամփի վերադարձը իշխանության
Ամերիկյան հեղինակավոր Hill թերթը ԱՄՆ Կոնգրեսին կոչ է արել օգտագործել իր սահմանադրական լիազորությունները և արգելափակել հանրապետական Դոնալդ Թրամփի վերադարձը իշխանության, գրում է РИА Новости–ն:
Պարբերականը հղում է արել Սահմանադրության 14-րդ ուղղման 3-րդ կետին ըստ որի՝ ապստամբներին արգելվում է պետական պաշտոններ զբաղեցնել։ Լրատվամիջոցը նշել է, որ Դոնալդ Թրամփի գործողությունները համապատասխանում են այդ կետին:
Նյութի հեղինակներ՝ փաստաբաններ Էվան Դևիսը և Դեյվիդ Շուլտը հիշեցրել են, որ Սահմանադրության 14-րդ հոդվածի 3-րդ փոփոխությունն ասում է, որ ապստամբությանը մասնակցած կամ Սահմանադրության թշնամիներին օգնություն ցուցաբերած անձը չի կարող պետական պաշտոն զբաղեցնել, քանի դեռ նրա կարգավիճակը չի վիճարկվել Կոնգրեսի յուրաքանչյուր պալատում ձայների երկու երրորդով:
The Hill-ը թվարկում է Թրամփի՝ ենթադրյալ ապստամբության մեջ ներգրավվածության ապացույցները, այդ թվում՝ 2021 թվականին նրա երկրորդ իմպիչմենթը, Կոլորադոյում նրա դատավարությունը և 2021 թվականի հունվարի 6-ի իրադարձությունների վերաբերյալ Ներկայացուցիչների պալատի ընտրական հանձնաժողովի հետաքննությունը:
«Այս իրադարձությունները հաստատում են, որ Թրամփը ոչ միայն ապօրինի ճնշում է գործադրել փոխնախագահ Մայք Փենսի վրա՝ տապալելու ընտրությունների արդյունքները, այլ նաև դրդել է ամբոխին բռնության»,- գրել են Դևիսը և Շուլտը։
