«Խիստ վարչարարություն». միջոցներ կձեռնարկվեն օդի աղտոտվածության հետ կապված
Երևանի քաղաքապետ Տիգրան Ավինյանը գործակարգավարական խորհրդակցություն ընթացքում անդրադարձել է օդի ախտոտվածության խնդրին:
«Տեղադրված 149 օդի որակի չափիչ սարքերից ստացվող տեղեկատվությունը երևում է քաղաքապետարանի կայքում։ Ձմռան ամիսներին այդ տեղեկատվությունը տեղ-տեղ մտահոգիչ է լինում»,- ասել է Ավինյանը։
Զեկուցվեց, որ յուրաքանչյուր տարի ձմեռային ամիսներին օդերևութաբանական անբարենպաստ պայմանների հետևանքով լինում են ախտոտվածության ցուցանիշների գերազանցումներ։ Նշվեց նաև, որ քաղաքապետարանը խիստ վարչարարության միջոցով շինհրապարակներն է ուշադրության կենտրոնում պահում և այս ընթացքում արտառոց արտանետումների ավելացում չի արձանգրվել։
Ավինյանն էլ ընդգծեց՝ օդի մարդածին աղտոտվածության առումով Երևանի քաղաքապետարանն անելիք ունի:
«Առաջարկում եմ քառամյա ծրագիր մշակենք, թե Երևանի քաղաքապետարանն ինչ միջոցներ պետք է ձեռնարկի օդի որակի աղտոտվածության բարելավման ուղղությամբ»,- ասել է Երևանի քաղաքապետը և հանձնարարել 2 ամիս հետո քառամյա ծրագիրը ներկայացնել։
Նրա խոսքով՝ քառամյա ծրագիրը և պետք է ներառի ամենապարզ մեթոդները:
«Օրինակ, ծառատունկն ու անտառատունկը, թվային հստակ ցուցանիշներով, այնպես էլ որոշակի սահմանափակումները, օրինակ, արդեն իսկ կարելի է ասել ժամկետանց ավտոմեքենաների շահագործումը Երևան քաղաքում, որոնք 2 կիլոմետրանոց ծուխ են թողնում իրենց հետեւից և նաև մեծ աղտոտիչներ են»,- նշել է Ավինյանը։
