Ես պարզապես ապշած էի. Մեսսին՝ Կաբո Վերդեի դարպասապահի մասին

Արգենտինայի ազգային հավաքականի ավագ Լիոնել Մեսսին ներկայացրել է իր տպավորությունները 2026 թվականի Աշխարհի առաջնության 1/16 եզրափակչում Կաբո Վերդեի դարպասապահ Վոզինյայի ցուցադրած մրցելույթից։

Հարկ է հիշեցնել, որ այդ հանդիպումն ավարտվել է արգենտինացի ֆուտբոլիստների դժվարին հաղթանակով՝ լրացուցիչ ժամանակում արձանագրված 3:2 հաշվով։

Մրցախաղի ավարտից հետո կազմակերպված ճեպազրույցի ժամանակ արգենտինացի աստղը պատասխանել է զանգվածային լրատվամիջոցների ներկայացուցիչների հարցերին.

«Մի փոքր հիասթափված էի գոլ խփելու բազմաթիվ անհաջող փորձերից, բայց, ի վերջո, հաջողվեց մեկ անգամ աչքի ընկնել, և դա շատ կարևոր գոլ էր։ Ինձ ասացին, որ նա արդեն 40 տարեկան է, և, անկեղծ ասած, ես պարզապես ապշած էի նրա այսօրվա խաղով: Եզրափակիչ սուլիչից հետո մոտեցա նրան, և նա շնորհավորեց ինձ»,- նշել է Մեսսին

Հավելենք նաև, որ ԱԱ-2026-ի 1/8 եզրափակիչ փուլում Արգենտինայի ընտրանին մրցելու է Եգիպտոսի հավաքականի հետ։