Էքստրեմալ շոգի պատճառով ԱՄՆ-ում չեղարկվել են Անկախության օրվա միջոցառումները

ԱՄՆ-ում հաստատված էքստրեմալ շոգ եղանակի պատճառով սկսել են տապալվել և չեղարկվել Անկախության օրվա 250-ամյակին նվիրված հուլիսի 4-ի ցերեկային տոնակատարությունները։

Միջոցառումների չեղարկման գործընթացը մեկնարկել է երկրի արևելյան նահանգներում, այդ թվում՝ Մերիլենդում, Նյու Ջերսիում, Կոլորադոյում և Փենսիլվանիայում։ «Մենք պարզապես չենք կարող նման մասշտաբի միջոցառում անցկացնել այսքան վտանգավոր շոգի պայմաններում»,-BBC-ն մեջբերում է Փենսիլվանիայում շքերթի կազմակերպիչներից մեկի խոսքը։

Անկախության օրվան նվիրված առավոտյան միջոցառումները չեղարկվել են նաև Վաշինգտոնում։ Բացի այդ, մայրաքաղաքում դադարեցվել է Ազգային ծառուղու տոնավաճառի աշխատանքը, քանի որ շտապօգնության աշխատակիցները ջերմային հարված ստանալու պատճառով այնտեղից հիվանդանոց են տեղափոխել առնվազն 11 քաղաքացու։

Սպասվում է, որ Վաշինգտոնում և Ֆիլադելֆիայում օդի ջերմաստիճանը կհասնի համապատասխանաբար 39°C-ի և 40°C-ի։ Սակայն բարձր խոնավության հետևանքով զգացվող ջերմաստիճանը կկազմի 43°C և 44°C, ինչի պատճառով այն կմոտենա պատմական ռեկորդային ցուցանիշներին։