Սուրճի միջազգային գները բացարձակ ռեկորդ են սահմանել

Սուրճի ամենահայտնի տեսակի՝ «Արաբիկա»-ի գները հասել են պատմական բարձրակետի, հիմնականում Բրազիլիայում երաշտի և անձրևների պատճառով:

Սպառողները գների աճը կզգան 2025 թվականի սկզբին, հաղորդում է BBC-ն։

Այս շաբաթվա սկզբից՝ դեկտեմբերի 10-ից, «Արաբիկա»-ի, որն աշխարհում ամենահայտնի սուրճն է, գինը սահմանվել է 3,34 դոլար մեկ ֆունտի համար:  Սա հատիկով (մոտ 0,45 կգ): Ընդամենը մեկ տարվա ընթացքում «Արաբիկա» սուրճը թանկացել է 80%-ով։

Սուրճը բովող ընկերությունները նախկինում փորձել են չբարձրացնել գները սպառողների համար՝ շուկայում իրենց մասնաբաժինը պահպանելու համար, բայց այդ կերպ հետագա աշխատանք այլևս հնարավոր չէ: Բրազիլական սուրճի հումքից օգտվող բոլոր ընկերությունները նախատեսում է 30%-ով բարձրացնել գները, հայտնում է Reuters գործակալությունը։

Նշվում է, որ «Արաբիկա» սուրճի համար նախորդ ռեկորդային գինը սահմանվել էր 1977 թվականին։ Այդ ժամանակ Բրազիլիան՝ «Արաբիկա»-ի աշխարհի խոշորագույն մատակարարը, տուժել էր 1975 թվականի սառնամանիքից, որը ոչնչացրել էր սուրճի պլանտացիաների երկու երրորդը:

2024 թվականի օգոստոսին և սեպտեմբերին Բրազիլիայում գրանցվեց վերջին 70 տարվա ամենաուժեղ երաշտը, որին հաջորդեցին տեղատարափ անձրևները։