Անհայտ դրոնները խաթարել են Նյու Յորքի օդանավակայանի աշխատանքը

Նյու Յորք նահանգի «Ստյուարտ» միջազգային օդանավակայանի աշխատանքը կաթվածահար է եղել անհայտ անօդաչու թռչող սարքերի պատճառով:

Այս մասին հայտարարել է նահանգապետ Քեթի Հոկուլը, հայտնում է NBC News-ը։

«Օդանավակայանի թռիչքուղին մոտ մեկ ժամ փակ է եղել օդային տարածքում անօդաչու թռչող սարքերի ակտիվության պատճառով։ Այս ամենը շատ հեռու է գնացել», - ասել է նահանգապետը: 

Նահանագապետի խոսքով, հարկավոր է նոր օրենք ընդունել, որը թույլ կտա նահանգային և տեղական իրավապահ մարմիններին պայքարել անօդաչու թռչող սարքերի դեմ՝ մարդկանց և կարևոր ենթակառուցվածքները անվտանգ պահելու համար:

Հիշեցնենք, որ ԱՄՆ նորընտիր նախագահ Դոնալդ Թրամփը կոչ էր արել խոցել «առեղծվածային» անօդաչու թռչող սարքերը, որոնք վերջերս սկսել են հայտնվել երկրի տարբեր հատվածներում։