Իսրայելի հետ երկկողմ առևտուրն ամբողջությամբ դադարեցվել է

Թուրքիայի առևտրի նախարարությունը հաստատել է, որ այս տարվա մայիսից Իսրայելի հետ երկկողմ առևտուրն ամբողջությամբ դադարեցվել է, և նավահանգիստներում հրեական պետությունից կամ նրա համար ապրանքների հետ ցանկացած գործարք արգելված է։ Այս մասին հայտնում է ՏԱՍՍ-ը։

«Իսրայելի համար նախատեսված ոչ մի ապրանք չի թույլատրվում փոխադրել կամ բեռնել Թուրքիա ոչ միայն ուղղակիորեն Իսրայելից, այլև երրորդ երկրներից, իսրայելական ապրանքների ներմուծումը խստիվ արգելված է»,- ասվում է փաստաթղթում։

Առևտրի նախարարությունից պարզաբանել են, որ Թուրքիայից դեռևս կարող են նավեր ուղարկել Իսրայելի նավահանգիստներ բեռներով, եթե դրանք նախատեսված են Պաղեստինի համար։