Ասադը զինվորականներին կոչ է արել դիմադրել, իսկ ինքը դիմել է փախուստի
Դամասկոսից իր տարհանումից ժամեր առաջ Սիրիայի նախագահ Բաշար ալ-Ասադը դեկտեմբերի 7-ին երկրի պաշտպանության նախարարության շենքում մոտ 30 զինվորականների և անվտանգության աշխատակիցների հետ հանդիպմանը կոչ արեց զինվորականներին պահել իրենց դիրքերը, թեև բանակն արդեն քայքայվում էր: Այս մասին հյատնում է Reuters-ը:
Ասադն իր աշխատակազմի ղեկավարին ասել է, որ աշխատանքից հետո տուն կգնա, փոխարենը շարժվել է Դամասկոսի օդանավակայան։
Նա նաև զանգահարել է իր մեդիա խորհրդատուին և խնդրել նրան գալ իր տուն՝ ելույթ գրելու։ Երբ նա եկել է, Ասադը նստավայրում չի եղել:
Ամերիկյան լրատվամիջոցների փոխանցմամբ՝ Ասադին տարհանելու գործողությունը ռուսական հատուկ ծառայությունների կողմից իրականացվել է ինքնաբուխ, երբ պարզ է դարձել անխուսափելի փլուզումը։
