Կրկին ուշացումով թռիչքներ Զվարթնոցում. մանրամասներ
Եղանակային պայմաններից ելնելով, կրկին խիտ մառախուղ է, այսօր առավոտյան մի քանի չվերթեր ուշացումով են մեկնել Զվարթնոցից: Այս մասին Auroranews-ին հայտնեցին Զվարթնոց օդանավակայանից:
«Մասնավորապես՝ դեպի Մոսկվա, Աբու Դաբի և Շարմ էլ Շեյխ մեկնող չվերթերը: Ներկա պահին մի փոքր ուշացումով կժամանի Լառնակայից եկող չվերթը»,- ասված է հաղորդագրության մեջ:
Հիշեցնենք` Auroranews-ն օրեր առաջ ահազանգեր էր ստացել, որ օդանավերը չեն կարողանում վայրէջք կատարել Զվարթնոց օդանավակայանում։
Մանրամասներ ճշտելու նպատակով Auroranews-ը կապ էր հաստատել Քաղաքացիական ավիացիայի կոմիտե, որտեղից հայտնել էին, որ դա պայմանավորված է եղել եղանակային անբարենպաստ պայմաններով, ինքնաթիռն ուշ է վայրէջք կատարել՝ խիտ մառախուղի պատճառով: Այս պահին խնդիրը լուծված է:
