Վայրէջք Թբիլիսիիում. թռիչքների ուշացում և հետաձգում Զվարթնոցում

Auroranews-ն ահազանգեր է ստացել, որ օդանավերը չեն կարողանում վայրէջք կատարել Զվարթնոց օդանավակայանում։

Մանրամասներ ճշտելու նպատակով Auroranews-ը կապ հաստատեց Քաղաքացիական ավիացիայի կոմիտե, որտեղից հայտնեցին, որ դա պայմանավորված է եղել եղանակային անբարենպաստ պայմաններով, ինքնաթիռն ուշ է վայրէջք կատարել՝ խիտ մառախուղի պատճառով: Այս պահին խնդիրը լուծված է:

Ավելի ուշ «Հայկական ժամանակ»-ի փոխանցմամբ Լառնակայից Երևան ուղևորված Wizz Air ավիաընկերության օդանավը չի կարողացել վայրէջք կատարել «Զվարթնոց» օդանավակայանում և ուղևորվել է Թբիլիսի՝ այնտեղ վայրէջք կատարել պահուստային օդանավակայանում: Պատճառը եղանակային վատ պայմաններն են եղել՝ մառախուղը։

Եվս մեկ օդանավի թռիչք դեպի Մոսկվա, որը պետք է տեղի ունենար առավոտյան 08:00-ին, հետաձգվել է, բայց ինքնաթիռն արդեն բարեհաջող օդ է բարձրացել: Եղանակային անբարենպաստ պայմանների պատճառով Flydubai ավիաընկերության Դուբայ-Երևան չվերթի ինքնաթիռը ևս նախատեսված ժամին չի կարողացել վայրէջք կատարել, իջել է ավելի ուշ: