Մանրամասներ` Գագիկ Ծառուկյանի որդու մասնակցությամբ միջադեպից
Գագիկ Ծառուկյանի որդի Նվեր Ծառուկյանը «Կոսմոս» խաղատանը տեղի ունեցած ծեծկռտուքի և կրակոցների գործով շարունակում է մնալ հետախուզման մեջ, իսկ նույն քրգործով անցնող նրա չորս թիկնապահների նկատմամբ հայտարարված հետախուզումը դադարեցվել է։ Այս մասին հայտնում է 24news-ը:
Քննչական կոմիտեի խոսնակ Գոռ Աբրահամյանը հայտնել է, որ այդ վարույթով մեկ անձ շարունակում է գտնվել հետախուզման մեջ, սակայն չնշեց ինքնությունը , քանի որ մեղադրյալների անձնական տվյալները հրապարակման ենթակա չեն։
Հիշեցնենք, որ հոկտեմբերի 26-ին՝ ժամը 03:30-ի սահմաններում, Նվեր Ծառուկյանի մասնակցությամբ միջադեպ էր տեղի ունեցել՝ վիճաբանությունն առաջացել էր «Կոսմոս» խաղատան աշխատակիցների և Նվեր Ծառուկյանի ու նրա թիկնապահների միջև, որը վերածվել էր ծեծկռտուքի, հնչել էին կրակոցներ։
