ՏԵՍԱՆՅՈՒԹ. Տրանսպորտից շատ օգտվողների համար ուղեվարձը կէժանանա, քիչ օգտվողների համար՝ կթանկանա. Ավինյան

Երևանի քաղաքապետ Տիգրան Ավինյանը մայրաքաղաքի բնակիչներին մանրամասներ է ներկայացրել տրանսպորտի ոլորտում բարեփոխումների վերաբերյալ։

«Մեր առաջնահերթություններից է ունենալ մարդկանց համար ապահով և մշտապես բարելավվող տրանսպորտային համակարգ։ Այս տարի ձեռք բերեցինք 171 նոր ավտոբուսներ, որոնք առաջիկայում կսպասարկեն մեր քաղաքացիներին, իսկ 15 նոր տրոլեյբուսներն արդեն շահագործվում են։ Ավելացրել ենք հասարակական տրանսպորտի համար առանձնացված գծերը, ներդրել վճարման նոր հնարավորություններ. սրան զուգահեռ շարունակում ենք մի շարք այլ աշխատանքներ՝ ոլորտի բարելավման ուղղությամբ։ Մեր նպատակն է ստեղծել համակարգ, որը կդարձնի երևանցիների առօրյան ավելի հարմարավետ»,- ֆեյսբուքյան էջում գրել է նա։