Հարավային Կորեայում կոչ են արել չենթարկվել նախագահի հրամաններին
Հարավային Կորեայի ընդդիմության առաջնորդը կոչ է արել զինվորականներին ու ոստիկաններին չհնազանդվել նախագահի «հակասահմանադրական և անօրինական» հրամաններին։ Այս մասին գրում է The Korea Herald թերթը։
Ինչպես արդեն հայտնել էինք, Հարավային Կորեայի նախագահ Յուն Սեոկ Յոլը ժողովրդին ուղղված հեռուստաուղերձում հայտարարել է երկրում ռազմական դրություն մտցնելու մասին:
«Ես հայտարարում եմ ռազմական դրություն՝ արմատախիլ անելու հյուսիսկորեամետ ուժերին և պաշտպանելու ազատ սահմանադրական կարգը», - ասել է նա։ Ըստ Yonhap-ի՝ ավելի վաղ կառավարության հետ արտակարգ հանդիպման ժամանակ Յուն Սեոկ Յոլը հայտարարել էր իմփիչմենթի փորձերի մասին:
Որոշ բարձրաստիճան զինվորականներ և ոստիկաններ հրաժարվել են կատարել ռազմական դրություն մտցնելու՝ Հարավային Կորեայի նախագահ Յուն Սեոկ Յոլի հրամանը։
