Այդ կենտրոնները կարող են դառնալ «Օրեշնիկ» հրթիռի ոչնչացման թիրախ. Պուտին

Կիևում որոշումների կայացման կենտրոնները կարող են դառնալ «Օրեշնիկ» հրթիռի ոչնչացման թիրախ։ Այդ մասին հայտարարել է ՌԴ նախագահ Վլադիմիր Պուտինը ՀԱՊԿ գագաթնաժողովում։

«Ռուսաստանի Դաշնության գլխավոր շտաբը և պաշտպանության նախարարությունը ներկայումս ընտրում են Ուկրաինայի տարածքում «Օրեշնիկի» կողմից ոչնչացման թիրախները։ Ռուսաստանն ունի մի քանի պատրաստի «Օրեշնիկ» հրթիռներ»,- ասել է Պուտինը:

Երկրի նախագահը հավելել է, որ Ռուսական հիպերձայնային համակարգերն աշխարհում նմանը չունեն։ Ռուսաստանը մոտ ապագայում կարող է ունենալ այլ զինատեսակներ, այդ թվում՝ հրթիռային համակարգեր։