Պեսկովը` Կիևին միջուկային զենք փոխանցելու գաղափարի մասին
Ուկրաինայում միջուկային զենքի տեղակայման հնարավորության մասին քննարկումներն անպատասխանատու են։ Դա ասում են նրանք, ովքեր վատ են հասկանում իրականությունը։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։
«Գիտեք` նույնիսկ ամենասադրիչ գիծը, որն ուղղված է լարվածության սրմանը, նման ծայրահեղական թև ունի։ Ահա, հավանաբար նման տեսակետն այդ ծայրահեղական թևին է վերաբերում։ Դրանք անպատասխանատու քննարկումներ են այն մարդկանց կողմից, որոնք հավանաբար լավ չեն գիտակցում, վատ են պատկերացնում իրականությունը, և որոնք նվազագույն պատասխանատվություն անգամ չեն զգում նման հայտարարություններով հանդես գալիս։ Սակայն մենք տեսնում ենք, որ բոլոր այդ հայտարարություններն անանուն են»,- ասել է Պեսկովը լրագրողներին՝ մեկնաբանելով New York Times-ի հրապարակումը։
Ավելի վաղ New York Times-ը հայտնել էր, թե իբր որոշ ամերիկացի և եվրոպացի պաշտոնյաներ առաջարկում են միջուկային զենքը վերադարձնել Ուկրաինային։
