Շարունակում են յուղ լցնել կրակի վրա. Պեսկով
ԱՄՆ նախագահ Ջո Բայդենի հեռացող վարչակազմը շարունակում է յուղ լցնել ուկրաինական հակամարտության կրակի վրա, նոր էսկալացիա է տեղի ունենում: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Տեղի է ունենում նոր էսկալացիա: Սա շատ անպատասխանատու դիրքորոշում է, որը որդեգրում է ԱՄՆ հեռացող վարչակազմը: Նրանք շարունակում են յուղ լցնել ուկրաինական հակամարտության կրակի վրա՝ ամեն կերպ կանխելով դրա ավարտին հասնելու որոշակի դինամիկան: Միևնույն ժամանակ, օգտագործելով Ուկրաինան որպես գործիք իրենց ձեռքում», - ասել է նա լրագրողներին՝ պատասխանելով Ռուսաստանում թիրախների դեմ «Storm Shadow» հրթիռների ենթադրյալ օգտագործման մասին հարցին:
