Ինչպես ԱՄՆ-ն կպատասխանի ՌԴ-ի միջուկային դոկտրինի փոփոխություններին
Վաշինգտոնը մտադիր չէ արձագանքել ռուսական միջուկային դոկտրինի փոփոխություններին։ Այս մասին հայտնում է Bloomberg-ը՝ հղում անելով ԱՄՆ Ազգային անվտանգության խորհրդի ներկայացուցչին։
Պաշտոնյայի խոսքով՝ «Մոսկվան փոփոխությունների մասին հայտնել է մի քանի շաբաթ առաջ», ուստի որոշումը Սպիտակ տան համար անակնկալ չի եղել։ «Միացյալ Նահանգները կարիք չի տեսնում շտկելու սեփական միջուկային դոկտրինն ի պատասխան», - ասել է նա:
Բլումբերգը կարծում է, որ Վաշինգտոնի նման արձագանքը «հավասարակշռված» է և կարող է հանգստացնող ազդեցություն ունենալ համաշխարհային շուկաների վրա։ Ավելի վաղ գործակալությունը հայտնել էր, որ համաշխարհային շուկաները «շոկ են ապրել» Ռուսաստանի միջուկային դոկտրինի թարմացման լուրերից հետո։
