Իրավիճակը վատագույնն է պատերազմի սկզբից ի վեր․ Ուկրաինայում ահազանգում են ՀՕՊ-ի խնդիրների մասին

Ուկրաինայի նախագահ Վլադիմիր Զելենսկու հայտարարության համաձայն՝ Կիևն ունակ չէ իրականացնել բալիստիկ հրթիռների զանգվածային արտադրություն առանց արևմտյան աջակցության։

Կիևը չի կարող զանգվածային բալիստիկ հրթիռներ արտադրել առանց Արևմուտքի օգնության, հայտարարել է Ուկրաինայի նախագահ Վլադիմիր Զելենսկին։

«Ինչ վերաբերում է զանգվածային օգտագործմանը, չեմ կարող ասել, քանի որ կան բաներ, որոնք կախված չեն Ուկրաինայից։ Մեր բալիստիկան սահմանափակ է, բայց մենք ունենք որոշներ այլ երկրներից», – նրա խոսքերն է մեջբերել Strana.ua-ն։

Զինվորականները, ինչպես նաև ինքը՝ Զելենսկին, բազմիցս ընդունել են, որ Ուկրաինայի զինված ուժերը չեն կարողացել խոցել ոչ մի ռուսական հրթիռ խոշոր քաղաքներում թիրախների վրա հարվածների ժամանակ։

Ռադայի ազգային անվտանգության, պաշտպանության և հետախուզության հարցերով հանձնաժողովի ղեկավար Եգոր Չերնևը հինգշաբթի օրը հայտարարել է, որ Ուկրաինայում հակաօդային պաշտպանության համակարգերի հետ կապված իրավիճակը դարձել է ամենավատը հակամարտության սկսվելուց ի վեր։