ՏԵՍԱՆՅՈՒԹ. Ադրբեջանցի ուսանողների հակառուսական ակցիան Մոսկվայում

Ադրբեջանցի ուսանողները բողոքի ակցիա են իրականացրել Մոսկվայի Ֆինանսա-իրավաբանական համալսարանում։

Համացանցում հրապարակված տեսանյութի համաձայն ֆինանսա֊իրավաբանական համալսարանում մի խումբ ադրբեջանցիներ շրջել են Ադրբեջանի դրոշներով վանկարկելով «Ալլահ Ակբար»:

Համացանցում օգտատերերը կոչ են անում նոր օրենք սահմանել, որով հասարակական վայրերում արգելվում է ցուցադրել ցանկացած ազգային խորհրդանիշ, բացառությամբ Ռուսաստանի պետական և ազգային դրոշների: Բացառություններ կարող են արվել զբոսաշրջիկների և միջազգային մրցույթների համար:

Քիչ առաջ արձագանքել է Մոսկվայի Ֆինանսա-իրավաբանական համալսարանի ղեկավարությունը եւ հայտարարել, որ կձեռնարկի ամենալուրջ միջոցները իրավիճակը կարգավորելու համար։ Երթի հեղինակները կհեռացվեն համալսարանից, միջադեպով արդեն զբաղվում են իրավապահ մարմինները։

«Համալսարանը հավատարիմ է բազմամշակութային, բազմազգ, և ներառական կրթական ու զբաղվածության միջավայրի պահպանմանը: Սակայն անթույլատրելի է ատելությունը և կոպիտ հայտարարությունները։ Մենք վստահ ենք, որ բոլոր մեղավորները կպատժվեն Ռուսաստանի Դաշնության օրենսդրության առավելագույն չափով, ասված է համալսարանի հայտարարության մեջ»։