ՏԵՍԱՆՅՈՒԹ. Միջադեպ ԱԺ-ում. տուժել է լրագրողը
ՊՊԾ աշխատակցին դուր չեն եկել լրագրողի հարցերը` ուղղված Արդարադատության նախարար Սրբուհի Գալյանին, և հենց հարցազրույցի պահին քաշել է լրագրողի թևը` խոչընդոտելով լրագրողի մասնագիտական աշխատանքը, ասելով, թե նախարարը չի ուզում պատասխանել։
«Հրապարակ» թերթի լրագրող Լուսինե Շահվերդյանը հայտնել է, որ անվտանգության աշխատակիցը քաշել է իր ձեռքերից՝ թույլ չտալով իրականացնել հարցազրույց արդարադատության նախարարի հետ:
«Ընդամենը նախարարի հետ հարցազրույց էի ուզում անել, անվտանգության աշխատակիցը բռնեց ձեռքիցս, քաշեց, որ չգնամ: Նախարարը ոչինչ չէր ասում, կանգնել էր, հետո գուցե տհաճ հարց տվեցի, տեղաշարժվեց, անվտանգության աշխատակիցը բռնեց ձեռքիցս ու քաշեց»,- ասել է լրագրողը:
