Ֆուտբոլում մեկ սխալը բերում է այսպիսի արդյունքի. Չախալյան

ՈւԵՖԱ-ի Ազգերի լիգայի C լիգայի 4-րդ խմբի 5-րդ մրցափուլում Հայաստանի ազգային հավաքականը տանը նվազագույն հաշվով պարտվեց Ֆարերյան կղզիների ընտրանուն՝ (0:1)

«Երկու խաղակեսում էլ թիմը գոլային պահեր ստեղծեց, բայց այդ պահերը չկարողացանք վերածել գոլի։ Ֆուտբոլում կարող ես ունենալ առավելություն, բայց վերջում պարտվել։

Խաղային համակարգը փոխվել էր, Վահանը իր նոր դիրքում իրեն ավելի լավ է զգում, քան եզրում։ Այն պահանջը, որը ունեինք Միրանյանից և Սևիկյանից ցավոք սրտի հաջող չկարողացան կատարել, այդ պատճառով էլ հենց առաջին խաղակեսում փոփոխություն կատարեցինք»,- հետխաղյա ասուլիսի ժամանակ նշել է Հայաստանի ազգային հավաքականի ԺՊ Սուրեն Չախալյանը։

«Ֆուտբոլը դաժան է, մեկ սխալը բերում է այսպիսի արդյունքի»,– ասել է նա: