ՏԵՍԱՆՅՈՒԹ. Թրամփը տիկնոջ հետ քվեարկել է

Թրամփը տիկնոջ հետ քվեարկել է Փալմ Բիչի ընտրատեղամասերից մեկում և հույս հայտնել, որ կհաղթի:

Թրամփի հակառակորդ` Կամալա Հարիսն ավելի վաղ հայտարարել էր, որ նախագահական ընտրություններում քվեարկել է փոստով։

Թրամփը լրագրողներին ասել է, որ կընդունի իր պարտությունը ընտրություններում, եթե զգա, որ պարտվել է արդարացիորեն։

«Եթե ես պարտվեմ ընտրություններում, եթե դրանք լինեն արդար ընտրություններ, ես առաջինը կխոստովանեմ դա», - ասել է Թրամփը Ֆլորիդայի ընտրատեղամասերից մեկում, որի ուղիղ եթերը  հեռարձակվում է ամերիկյան հեռուստաալիքներով:

Նա ընդգծել է, որ ԱՄՆ-ում ընտրական գործընթացը չափազանց բարդ է. Թրամփը նաև վստահություն է հայտնել, որ իր կողմնակիցները նախագահական ընտրություններից հետո անկարգություններ չեն անի։

«Իհարկե, բռնություն չի լինի, իմ կողմնակիցները բռնի մարդիկ չեն»,- ասել է քաղաքական գործիչը։