Կրեմլը դատապարտել է Վրաստանում ընտրությունների վերաբերյալ արևմուտքի հայտարարությունները

«Այն, ինչ մենք տեսնում ենք, ամբողջովին մենթորական հայտարարություններ են, որոնք գալիս են Միացյալ Նահանգներից, Եվրամիությունից, որտեղ բառացիորեն վերջնագրեր են առաջադրվում Վրաստանի ղեկավարությանը: Սրանք, իհարկե, բացարձակապես զզվելի դրսևորումներ են, որոնք հակասում են միջպետական ​​հարաբերությունների նորմերին, և որոնք պետք է դադարեցվեն»,- ճեպազրույցի ժամանակ ասել է Պեսկովը։

ՌԴ նախագահի մամուլի քարտուղարը նշել է, որ Մոսկվան երբեք այլ երկրների ներքին գործերին միջամտելու մտադրություն չի ունեցել, այլ անհանգստացած է Վրաստանի ղեկավարությանը ուղղված ԵՄ-ի և ԱՄՆ-ի պաշտոնական «վերջնագրային հայտարարություններից»։


Նշենք, որ նախօրեին ԵՄ դիվանագիտության ղեկավար Ժոզեպ Բորելը Վրաստանի քաղաքական ուժերին` խորհրդարանական ընտրություններից հետո, երկխոսության կոչ էր արել։ Նա նաև ասել էր, որ անհրաժեշտ է պարզաբանել և շտկել ենթադրյալ խախտումները, որպեսզի վերականգնվի վստահությունը ընտրական գործընթացի նկատմամբ։

ԱՄՆ պետքարտուղար  Բլինկենն էլ իր հերթին  մտադրությունն է հայտնել ամբողջությամբ հետաքննել Վրաստանում ենթադրյալ ընտրական խախտումների մասին տեղեկությունները։