Մտադիր չենք իշխանությունների հետ բանակցությունների գնալ. վրացական ընդդիմություն

Վրացական ընդդիմությունը հայտարարել է, որ մտադիր չէ իշխանությունների հետ բանակցությունների գնալ որևէ այլ հարցի շուրջ, բացի նոր ընտրությունների անցկացումից: Այս մասին տեղեկանում ենք տեղի ԶԼՄ–ներից: 

Ինչպես հայտնել էինք՝ վրացական ընդդիմությունը պահանջում է կրկնակի խորհրդարանական ընտրությունների անցկացում։ Այս մասին Թբիլիսիում կայացած հանրահավաքում հայտարարել է պատգամավոր, «Միասնություն-Ազգային շարժում» ասոցիացիայի ներկայացուցիչ Գեորգի Վաշաձեն:

«Մեր պահանջը նոր ընտրությունների անցկացումն է, բայց միայն եթե այն անցկացվի միջազգային ընտրական վարչության կողմից»,– ասել է Վաշաձեն՝ դիմելով կամարտահայտության արդյունքների դեմ ցուցարարներին։

Քիչ առաջ հայտնի դարձավ, որ վրացական «Միասնություն-Ազգային շարժում» կուսակցությունը հրաժարվում է պատգամավորական մանդատներից: