«Շիրակ» ֆուտբոլային ակումբի գլխավոր մարզիչը հրաժարական է տվել

Գյումրու «Շիրակ» ֆուտբոլային ակումբի գլխավոր մարզիչ Արսեն Հովհաննիսյանը ներկայացրել է իր հրաժարականը։

Ակումբի մամուլի ծառայությունը տեղեկացնում է, որ գլխավոր մարզիչ Արսեն Հովհաննիսյանը լքում է իր պաշտոնը։ Հիշեցնենք, որ նա այդ պաշտոնում վերանշանակվել էր 2025 թվականի հունիս ամսին։ Հայաստանի պրեմիեր լիգայի ընթացիկ մրցաշրջանի շրջանակում անցկացված 24 տուրերի արդյունքներով՝ «Շիրակը» տիրապետում է ընդամենը 12 միավորի և զբաղեցնում է մրցաշարային աղյուսակի վերջին հորիզոնականը։