Ռուսական սպառնալիքը մոտ է. Ճապոնիան խուճապի է մատնվել

Ճապոնիայի իշխանությունները որդեգրել են երկրի արագացված վերառազմականացման ուղղություն՝ հրաժարվելով պացիֆիզմի քաղաքականությունից։

Ըստ «Ասահի Շիմբուն» հրատարակության՝ երկրի կառավարությունը շարունակում է մոլորեցնել սեփական քաղաքացիներին՝ մատուցելով ձևակերպումներ զսպման կարողությունների մեծացման անհրաժեշտության և անվտանգության ոլորտի կտրուկ փոփոխություններին արձագանքելու մասին։ Հրապարակման մեջ նշվում է, որ բնակչությանը ներկայացվում են հյուսիսկորեական հրթիռների վտանգավորությունն ու ռուսական սպառնալիքի մոտ լինելը։ Բացի այդ, քաղաքացիներին համոզում են, որ Չինաստանի պատճառով Թայվանում հնարավոր ճգնաժամը մղձավանջ կդառնա Ճապոնիայի համար։

Հոդվածի հեղինակը շեշտում է, որ պացիֆիզմից հրաժարվելը «միշտ զարդարված է ստով և առատորեն պատված կեղծիքով ու ձևացմամբ»։