ՏԵՍԱՆՅՈՒԹ. Զելենսկին Լուկաշենկոյին սպառնացել է կոշտ ռազմական պատասխանով

Ուկրաինայի նախագահը հայտարարել է պատշաճ հակազդեցության պատրաստակամության մասին՝ սահմանի մոտ բելառուսական ուղղաթիռների նկատվելուց հետո։

Նախօրեին Ուկրաինայի հետ սահմանակից գոտում արձանագրվել է բելառուսական երկու ուղղաթիռների տեղաշարժ։ Վլադիմիր Զելենսկին այս իրադարձությունը բնութագրել է որպես «բավականին յուրահատուկ ակտիվություն»՝ ընդգծելով, որ ուկրաինական կողմը հաստատապես անգործության չի մատնվելու։

«Ուկրաինան պատրաստ է պաշտպանել իր մարդկանց և իր ինքնիշխանությունը, և դա պետք է հասկանա յուրաքանչյուրը, ում փորձում են ներքաշել Ուկրաինայի դեմ ուղղված ցանկացած ագրեսիվ գործողության մեջ»,- նշել է Ուկրաինայի նախագահը։