ՏԵՍԱՆՅՈՒԹ. Այսպիսի «խաղաղություն» ուրիշ որևէ տեղ տեսե՞լ եք. Քրիստինե Վարդանյան

«Դուք այսպիսի «խաղաղություն» ուրիշ որևէ տեղ տեսե՞լ եք»,- ֆեյսբուքյան իր էջում հրապարակված տեսանյութին կից գրել է ԱԺ «Հայաստան» խմբակցության պատգամավոր Քրիստինե Վարդանյանը: 

 
Նա արձագանքել է Ալեն Սիմոնյանի այն հայտարարությանը, թե «Հայաստանի տարածքում մի քանի տեղ առաջ են ադրբեջանցիները. ես պնդում եմ, որ չդեմարկացված և դելիմիտացված սահմանի վրա ինչ-որ տեղեր, նաև 90-ականներից սկսած, նաև մենք ենք առաջ»:

«Փաստորեն ի՞նչ է ասում իշխող ուժը։ Ասում է՝ բա չգիտեի՞ք, մենք էլ տարածքներ ունենք ադրբեջանական։ Այսինքն՝ արդարացնում է ադրբեջանական օկուպացիան, ասում է՝ մենք էլ տարածքներ ունենք, դրա համար էլ Ադրբեջանը այդ տարածքները օկուպացրել է։

Փաստորեն անոնսում է նոր զիջումների մասին։ Չի խոսում, թե Ադրբեջանը երբ պիտի հետ քաշվի այդ տարածքներից, բայց ասում է՝ մենք էլ տարածքներ ունենք...Աշխարհում ուրիշ որտե՞ղ սենց խաղաղություն կա։ Պատմության մեջ սենց խաղաղություն որտե՞ղ է եղել»,- ասում է Վարդանյանը: