Հյուսիսկորեական զորքերը շուտով կանցնեն գործողությունների
Ուկրաինացի զինծառայողները զգուշացրել են, որ հյուսիսկորեական զորքերը շուտով կանցնեն ռազմական գործողությունների, գրում է The New York Times-ը։
Զինծառայողներից մեկը, ով մասնակցում է Կուրսկի շրջանում մարտերին, հրատարակությանը պատմել է, որ հրամանատարներն իրեն զգուշացրել են «առաջիկա մի քանի օրվա ընթացքում» ԿԺԴՀ-ից զինվորականների հայտնվելու մասին։
Ուկրաինացի սպան NYT-ին ասել է, որ Ուկրաինայի զինված ուժերը թողարկել են ուկրաինա-կորեական արտահայտությունների գիրք, որպեսզի զինվորականները կարողանան կապ հաստատել հյուսիսկորեացի զինվորների հետ և կոչ անել նրանց հանձնվել:
Ուկրաինայի և Հարավային Կորեայի հետախուզական ծառայությունները հոկտեմբերին հայտարարել էին Ռուսաստան հյուսիսկորեական զորքերի տեղափոխման մասին։ Մոսկվան Հյուսիսային Կորեայի զորքերի տեղաշարժերի մասին տվյալները անվանել է «լցոնում և աղմուկ», իսկ Փհենյանը դրանք անվանել է «անհիմն կարծրատիպային լուրեր»։
