Առնվազն հինգ մարդ է զոհվել և 22-ը վիրավորվել Անկարայի մերձակայքում գտնվող Turkish Aerospace ընկերության (TUSAŞ) կենտրոնակայանի վրա հարձակման հետևանքով, հայտնում է BBC NEWS-ը։

 «Ահաբեկչության հետևանքով մահացածների թիվը հասել է հինգի, վիրավորների ընդհանուր թիվը 22 է, որոնցից երեքը դուրս են գրվել հիվանդանոցից»,- հեռուստատեսությամբ ասել է Թուրքիայի ներքին գործերի նախարար Ալի Երլիքայան։

 Նախարարի խոսքով՝ հարձակումը կարող է կապված լինել Քրդստանի աշխատավորական կուսակցության գործունեության հետ, որն արգելված է երկրում։