Nvidia-ն` աշխարհի ամենաթանկ ընկերություն

Nvidia-ն կարճ ժամանակով առաջ է անցել Apple-ից՝ դառնալով աշխարհի ամենաթանկ ընկերությունը։ Այս մասին գրում է Meduza-ն` հղում տալով Reuters-ին։

Նշվում է, որ ուրբաթ Nvidia-ի բաժնետոմսերի արժեքը հասել է 3,53 տրիլիոն դոլարի, մինչդեռ Apple-ի բաժնետոմսերը գնահատվել են 3,52 տրիլիոն դոլար։ Հետագայում Nvidia-ի արժեթղթերի գինը նվազել է, ընկերությունը կրկին պարտվել է Apple-ին։

 Գործակալությունը գրում է, որ Nvidia-ի արժեքի աճը պայմանավորված է արհեստական ​​ինտելեկտի հետ աշխատելու համար չիպերի «անհագուրդ» պահանջարկով։

Ընկերությունը կոչվում է AI-ի բումի ամենամեծ շահառուն, քանի որ Nvidia չիպերը գնում են Microsoft-ը, Google-ը, Amazon-ը և այլ խոշոր ՏՏ ընկերությունները: