ՏԵՍԱՆՅՈՒԹ․ Հզոր պայթյուններ՝ Բեյրությում․ իսրայելական բանակի կոչը

Իսրայելի ռազմաօդային ուժերի կործանիչները կրկին հարձակվել են Բեյրութի հարավային ծայրամասերի և արվարձանների վրա, որտեղ գտնվում են շիական «Հըզբոլլահ» կազմակերպության օբյեկտները և բնակվում են դրա կողմնակիցները: ՏԱՍՍ-ի թղթակիցը հաղորդում է, որ առնվազն երեք հզոր պայթյուն է տեղի ունեցել Հարեթ-Հորեյք թաղամասում։

Իսրայելի ռազմաօդային ուժերը վերջին անգամ հարվածներ են հասցրել Բեյրութի հարավին հոկտեմբերի 3-ին, այն ժամանակ օդային հարձակում էր իրականացվել Հարիրիի անվան միջազգային օդանավակայանի պարագծի երկայնքով գտնվող շրջանների վրա, որը ռմբակոծության ժամանակ ժամանակավորապես դադարեցրել էր իր աշխատանքը:

Ավելի վաղ իսրայելական բանակի հրամանատարությունը շտապ նախազգուշացում էր ուղարկել Հարավային թաղամասերի բնակիչներին՝ պահանջելով լքել մի քանի շենքեր, որոնց վրա մոտ ժամանակներս ավիահարվածներ կհասցվեն: Քաղաքացիական պաշտպանության ծառայության տվյալներով՝ հոկտեմբերի սկզբից բնակիչների 90 տոկոսը հարավային արվարձաններից տեղափոխվել է քաղաքի կենտրոնական մաս եւ Լիբանանի հյուսիս:

«Իսրայելցի զինվորականները չորեքշաբթի օրը հրաման են տվել բնակիչներին լքել Հարավային Բեյրութի մի մասը, ինչը նախազգուշացում է, որը սովորաբար նախորդում է Լիբանանի մայրաքաղաքի նշված շրջանին հարվածներ հասցնելուն», - ասված է հաղորդագրության մեջ:

Հաղորդվում է, որ տարհանման հրամանի գործողության շրջանում կան օբյեկտներ, որոնք կապված են լիբանանյան «Հըզբոլլահ» շարժման հետ, որոնց վրա ՑԱԽԱԼ-ը մոտ ապագայում հարվածներ կհասցնի: